Pizza með dijon sinnepi, fetaosti, ólífum og hvítlauk

by soffiagudrun

Það er gaman í sveitinni. Sérstaklega þegar kemur að því að borða með nágrönnunum.

Þá þarf ekki að hafa mörg orð um hvað verður á boðstólnum, heldur töfrum við húsmæðurnar fram hverja stórmáltíðina á fætur annarri, þegjandi og hljóðalaust. Það sem til er í ísskápnum er notað og spunnið út frá því.

leggir

Ef þið eigið kjúklingaleggi þá mæli ég með því að þið setjið þá í eldfast fat með döðlum, kapers, ólífum, balsamikediki og hunangi, smá hvítlauk, salti og pipar.

pizza

Ef ykkur langar í öðruvísi pizzu þá sló þessi í gegn:

  • Pizzabotn, þunnt útflattur
  • Ólífur
  • Hvítlaukur, skorinn í skífur
  • Fetaostur í kryddolíu
  • Dijon sinnep
  • Salt og pipar

Smyrjið smá sinnepi á pizzabotninn, raðið álegginu á, saltið og piprið. Bakið í ofni þar til botninn er bakaður.

Ég hef sérstaklega gaman að ílöngum pizzum þessa dagana og skera þær í þunnar ræmur og renna þeim niður með rauðvínstári og nágrannaspjalli.

pizza

pizza

Advertisements