Húsið við sjóinn

Foodwaves

Month: February, 2012

Manchego ostur

Í Köben uppgötvaði ég ostinn Manchego.  Og snilldin er að dreypa yfir hann fljótandi hunangi eða sýrópi, svona smá slettu, og bera fram með nokkrum ristuðum valhnetukjörnum.

manchego

  • Manchego  ostur
  • Fljótandi hunang, eða sýróp
  • Ristaðir valhnetukjarnar

Þessi ostur fer sérlega vel með medium bodied bjór.

Salat með Manchego og hunangsdressingu.

  • Gott salat, t.d endive og red leaf salat
  • 2-3 epli
  • 300-500 g Manchego ostur
  • 3/4 bolli af  Marcona möndlur, eða e-jar góðar möndlur eða  hnetur

 

Hunangsdressing

  • 2 msk hunang
  • Safi úr einni sítrónu
  • Salt and pipar, eftir smekk
  • 1 msk vatn
  • 3 msk ólífu olía

 

Setjið allt nema ólífuolíu í skál, hrærið vel saman, og bætið svo ólífuolíunni við smám saman á meðan þið hrærið.

Skerið eplin og ostinn í ca  1-2 cm  teninga.  Í skál, blandið saman eplunum, hnetunum og ostinum við dressinguna, blandið  svo salatinu við.

Advertisements

Focaccia samloka með nautahakki

Fyrir margt löngu fékkst á Aktu taktu samlokur sem kölluðust Jeppar, Fólksbílar og Sportbílar, það sem kemst næst Jeppanum  í dag eru svokallaðar Kjötlokur. Eftir að þetta hætti að fást, fyrir svona 10 árum,  þá hef ég verið að þróa mína eigin kjötloku.
Trixið við þessa, er að nota focaccia brauð, skera það þvert (kljúfa það) og snúa því úthverft og setja fyllinguna á milli, þannig að  skurðurinn snýr út.  Svo er þetta sett á panini grillið.

Um að gera að prófa allskonar focaccia, t.d með ólífum.  Í Kanada fékk ég focaccia brauð með Jalapenos, sem var snilld!

Fylling:  Nautahakksblanda, Sinnepssósa og Mossarella ostur.

jeppi


Nautahakksblanda

  • 400 g nautahakk
  • 5-10 sveppir
  • Hálfur laukur
  • hvítlaukur
  • smá ferskur chile
  • Salt, pipar, smá oregano.

Allt steikt á pönnu.

Sinnepssósa

  • Mjones eða sýrður rjómi
  • Sinnep
  • Smá Dijon sinnep
  • Fljótandi hunang
  • Salt

Nautahakksblanda, Sinnepssósa og Mossarella ost (eða annar góður mildur ostur) sett á aðra  focaccia sneiðina og svo samlokuni lokað og grillað í panini grilli.

Kúrbíts-gulrótarbrauð

Opnaði í dag fína rauðvínsflösku. Vínið er frá Spáni, Cepa Gavilán, 2005. Mjög gott!  Og alveg perfect að opna eina og fá sér í glas á meðan maður bakar þessa uppskrift.

Ég bakaði brauð fyrr á árinu, eftir uppskrift sem ég get ómögulega munað hvaðan ég fékk.    Í fyrsta skiptið sem ég bakaði þetta brauð át ég hálft brauðið í hádegismat, sem er mjög saðsamt, og mér leið ekki sérlega vel á eftir.  Þannig að ég mæli ekki með að borða yfir sig af þessu brauði.

brauð

 Kúrbíts-gulrótarbrauð

  • 1 gulrót , lítil (75 g)
  • 1/2 kúrbítur , lítill (75 g)
  • 1-2 hvítlauksgeirar
  • 100 g valhnetukjarnar
  • 200 g hveiti , óbleikt
  • 200 g heilhveiti
  • 2 1/2 tsk matarsódi
  • 1 tsk salt
  • 1 tsk hunang , þunnt (má sleppa)
  • 1 msk olía , t.d. maís- eða sólblómaolía
  • 400 ml ab-mjólk

Leiðbeiningar

Rífið gulrótina og kúrbítinn og saxið hvítlaukinn. Leggið þetta á milli nokkurra eldhúsrúllublaða, þrýstið létt á og setjið síðan til hliðar.

Ristið valhneturnar á þurri pönnu, setjið þær svo í sigti (helst gróft, t.d. pastasigti) og hristið hýðið frá. Kælið hneturnar og grófsaxið þær. Hitið ofninn í 200°C og smyrjið ofnplötu.

Blandið saman, í stórri skál, þurrefnunum, grænmetisblöndunni og valhnetunum. Bætið hunanginu og olíunni út í og hrærið í með sleifarskafti.

Hellið síðan ab-mjólkinni smátt og smátt saman við og hrærið þangað til allt hefur blandast vel saman. Setjið þá deigið á hveitistráð borð og hnoðið smástund.

Skiptið deiginu í tvo jafnstóra hluta og rúllið þeim í jafnlangar lengjur, u.þ.b. 35 sm hvora. Vefjið lengjurnar varlega saman, klípið endana og stingið þeim undir. Setjið brauðið á ofnplötuna og sáldrið örlitlu hveiti yfir.

Bakið í u.þ.b. 30-35 mínútur eða þangað til brauðið er orðið ljósbrúnt. Ég reyndar baka þetta brauð alltaf í a.m.k klst.

 

Á meðan brauðið er í ofninum er gott ráð að klára úr vínsflöskunni sem var opnuð í byrjun baksturs.

Salut,

Soffia

Hvítlauks salatdressing

Brilliant salat dressing, og mjög fljótleg, og er góð með flestu salati.  Sérstaklega salati með m.a  avacado, kjúkling og cammembert osti skorinn í “sneiðar” og hitaður á pönnu, svo hann verður svona hálf bráðnaður.

hvítlaukur
Hvítlauks salatdressing

  • Mjones eða sýrður rjómi
  • Sýrður rjómi ( kannski 1-2 dl)
  • Hvítlaukur, 2-3 rif eða eftir smekk
  • U.þ.b hálfur dl fljótandi hunang
  • Salt og Pipar

Hvítlaukurinn pressaður út í. Öllu hrært saman. Ég reyndar slumpa á mælieiningar, betra að smakka þetta til.

Hádegismaturinn – Crêpes

Þetta eldaði ég mér í hádeginu.

Crêpes

  • Pönnukökur
  • Soðin hrísgrjón
  • 1 rauð paprika
  • Púrrulaukur
  • Skinka, skorin á ræmur eða teninga
  • Ostur
  • Sinnepssósa
  • Oregano
  • Basil
  • Paprikuduft

Pönnukökur bakaðar.  Hrísgrjón soðin, skinka, paprika og púrra skorið niður, svona frekar fínt.  Ostur skorinn í sneiðar.

Ég byrja yfirleitt á að baka úr öllu pönnukökudeiginu, og baka aðeins minna aðra hliðina en venjulega.  Svo tek ég eina bakaða pönnuköku, legg hana á pönnuna með hliðina sem er minna bökuð niður.

Set ostinn fyrst, svo skinku og sinnepssósu yfir alla kökuna og loks hrísgrjón, papriku og púrru. Kryddað með oregano og basil, og kannski smá salti.

Þá loka ég henni til helminga, og hita hana á báðum helmingum í smá stund. Sett á disk og smá paprikudufti stráð ofan á.

Sinnepssósa

  • smá majónes og slatti sýrður rjómi
  • Sætt sinnep
  • Dijon sinnep
  • Fljótandi hunang
  • Salt

Slumpa á þetta þar til að ég er sátt við bragðið.  ( Svo má bæta við hálfu  hvítlauksrifi)

Hér er svo uppskrift af Crêpes sem ég nota oft.

  • 1 bolli hveiti
  • 1 egg
  • 1/2 bolli mjólk (eða eftir þörfum, kannski aðeins meira)
  • 1 teskeið salt
  • 2 matskeiðar bráðið smjör

Rrrrr

Ég “sleikti frelsisbjölluna” um daginn, þ.e labbaði upp í Hvalfjörð með einni sem ég þekki, lögðum af stað frá Vesturbænum kl 10 um morgun, og vorum komnar rétt fyrir miðnætti.  Mæli þó með þessu í Júní, þegar það er bjart alla nóttina, því það var orðið allt of dimmt í restina, og engir almennilegir göngustígar.  En talandi um Hvalfjörð….
Nú er kominn mánuður með r-i, og því óhætt að fara út að tína kræklinga. Þar sem ég er að byggja í Hvalfirðinum þá fer ég alltaf þangað að tína.  (Myndin hér fyrir neðan er tekin í Hvalfirðinum)

Hvalfjörður

Hér er góð síða til að sjá hvenær er flóð og fjara.
http://easytide.com

Hér eru tvær snilldar kræklingauppskriftir.  Og alveg must að vera með gott brauð með, sérstaklega rjóma-sinnepsuppskriftinni.

kræklingur

Sinneps kræklingur

  • 1/2 L rjómi
  • 2-3 dl  gott hvítvín
  • 1 shallott laukur
  • 1 hvítlauksrif
  • 100- 150 g smjör
  • 3-4 msk Dijon sinnep, eða eftir smekk.

Shallottlaukur og hvítlaukur létt steikt á pönnu í smjörinu ásamt kræklingi. Hvítvíni, rjóma, smjöri og sinnepi bætt við.  Saltað og piprað eftir smekk.

kræklingur

Taí  kræklingur

  • Ein dós kókósmjólk
  • Nokkrar msk rautt eða grænt  karrý paste (eftir smekk)
  • 1 Rauður Chile
  • Hvítlaukur(2-3 rif)
  • 1 Rauð paprika
  • 1 Rauðlaukur
  • Hálft Zukkini
  • Engifer
  • Kóríander
  • Salt og pipar
  • Íslenskt smjör

Paprika, rauðlaukur og zukkini skorið fremur smátt,steikt á pönnu upp úr smjöri ásamt fínt skornum rauðum chile, hvítlauk, engifer og krækling.  Því næst karrý paste og kókósmjólkin.  Að lokum salt og pipar og ferskt kóríander.

Munið svo að borða ekki þann krækling sem ekki opnast við suðuna.

Gúffað

Ég er í snilldar matarklúbb sem kallast guf. (Með litlu g og lesist GÚFF) Fjórir
meðlimir, algjört gourmet pakk.  Við hittumst í gærkvöldi þar sem
okkur var boðið upp á fylltar kjúklingabringur og humar, borið
fram m.a með klettasalatspestókartöflusalati. 

Sú uppskrift var í Fréttablaðinu og er fáránlega góð.

kartöflur

Hér kemur hún:

  • 400 g soðnar og stappaðar kartöflur
  • 100 g möndluhakk
  • 100 g graskersfræ
  • 1 poki klettasalat
  • 1 hnefi basilíkum
  • 2 dl græn ólífuolía
  • hvítlaukur, salt og pipar.

Allt nema kartöflur í matvinnsluvél og svo kartöflum hrært við.

Humarinn var steiktur upp úr hvítlaukssmjöri, í skeljunum, svo
var humar fjarlægður og smá rjóma bætt við á pönnuna svo úr varð
mjööög góða sósa!

Síðar um kvöldið var svo drukkin verkamannaútgáfa af Paralyzer 
við misgóðar undirtektir, Vodka og kókómjólk.

Humar og Avacado – match made in heaven

Þessi réttur er bara snilld! (Uppskrift miðað við 4)

avacado

Humar með avacado, borið fram í avacado hýðinu

  • Slatti af Humarhölum, skelhreinsuðum (einnig hægt að nota tígrisrækjur)
  • 2 Avacado
  • Hvítlaukur,kannski 2 rif
  • 1 rauðlaukur
  • Hálfur Chile (fer eftir styrkleika…)
  • 1 rauð paprika
  • Smjör, til að steikja,2-3 msk, eða bara eftir smekk

Paprika, chile, rauðlaukur og hvítlaukur skorið smátt og léttsteikt á pönnu í íslensku smjöri. Humar steiktur með í ca 2-3 mín í lokinn. Skerið avacadoinn til helminga og takið hann úr hýðinu og skerið í fremur grófa bita. Blandið við humar og grænmetið í skál. Hreinsið vel báða helminga hýðisins og notið sem skálar, setjið gumsið ofaní og berið fram.

Tips. Farið varlega í hvítlaukinn, til að leyfa öðrum bragði að njóta sín.

Ekki nota harða avacado, þeir eru óþroskaðir og ekki bragðgóðir.

Passið að ofsteikja ekki humar eða rækjur.

Oh Canada…

..so fucking pretty.  Snilldar lag, flutt af gaur sem heitir Þórir.  Var að koma frá Kanada, B.C.  Átti einu sinni heima þar, og á marga vini þar. Góðir vinir mínir eru með grænmetisgarð, sem er alveg met, ÖFUND!  Hvað það er frábært að lifa í svona veðurfari og geta ræktað sitt eigið.  Við elduðum nokkra rétti þar sem undirstaðan var það sem finna mátti í garðinum.

kúrbítsblóm

Kúrbítsblóm (Zukkini flowers)

Ég hef nú ekki kynnt mér það hvort það fáist kúrbítsblóm hér á Íslandi, en fyrir þá sem búa svo vel að komast yfir slík blóm þá er þessi uppskrift frábær sem léttur for eða milliréttur.

Þetta er hefðbundin crepes uppskrift. Gæti verið nóg að gera bara hálfa uppskrift, fer eftir fjölda blóma. Eða þá bara gera crepes úr afgangs deiginu.

  • 1 bolli hveiti
  • 1 egg
  • 1/2 bolli mjólk (eða eftir því hversu þunna loppu þið viljið)
  •  1/4 teskeið salt 2 matskeiðar bráðið smjör
  • Smá salt

Slatti af kúrbítsblómum

“Veltið” blómunum upp úr deiginu og steikið á pönnu.  Flóknara er það ekki.

Egyptian Walking Onion

Egyptian Walking Onions

Þetta er í fyrsta sinn sem ég sé þessa lauka, hef ekki séð þá hér á landi.  Væri fróðlegt að prófa að rækta hann.

Setjið laukinn í eldfast mót með olíu, salti og pipar og setjið í 300° heitan ofninn í hálftíma – 45 mínútur.

rauðbeðuídýfa

Rauðbeðuídýfa

Þessi ídýfa er algjör sniiiiiiiilld.  Hef aldrei verið fyrir rauðbeður, og ég mana alla til að prófa þetta.

  • 5-6 rauðbeður
  • 250 g sýrður rjómi
  • 1-2 hvítlauksrif
  • salt og pipar

Sjóðið rauðbeður, setjið í matvinnsluvél ásamt öðru hráefni.  Berið fram t.d með grilluðu pítubrauði.

belgbaunir

Belgbaunir með hnetum og hvítlauk

Steikið belgbaunir upp úr smjöri og smá olíu, bætið við hvítlauk og salti og pipar.  Þurrristið valhnetur og furuhnetur og blandið við baunirnar.

bon appetit!

Sx

Gulrótar og appelsínusúpa

gulrætur

Þessi súpa er ótrúlega góð…og holl.  Mjög einfalt, og súpergott.  Flott sem forréttur.

  • Ca 6 gulrætur
  • 1-2 tsk ferskt rifið engifer
  • 1 shalott laukur
  • Ólífuolía
  • 1 bolli appelsínusafi
  • Ca hálfur líter vatn
  • Grænmetiskraftur.
  • Salt og pipar

Bitið niður gulrætur og sjóðið í vatni með grænmetiskraftinum.  Í öðrum potti, svitið shalottlauk og engifer.  Þegar gulrætur eru soðnar bætið þeim þá við ásamt 1-2 bollum af soðinu, og einum bolla af appelsínusafanum ásamt shallot og engiferinu.  Setjið allt í blender eða matvinnsluvél, þar til allt er orðið vel maukað.  Bætið við soði í blenderinn eftir því hversu blauta þið viljið hafa súpuna.  Saltið og piprið (og kryddið með einhverjum öðrum kryddum ef þið viljið) eftir smekk. Setjið súpuna í pottin og hitið aðeins ef þess þarf.

%d bloggers like this: